|
|
|
|
Msye Peter Lesperance e madanm Elizabelle Ernesta pe resevwar zot pri
|
Distrik Anse Royale ki meyer distrik dan Sesel ti selebre e rekonpans son bann volonter dan son distrik semenn pase.
Sa selebrasyon anyel i en fason rekonnet zefor ki bann 'sponsor' in fer dilon lannen.
Sete Msye Peter Lesperance ki ti ganny pri pour msye pli devoue parske in sa dimoun ki'n dan tou bann progranm ki distrik in fer, tou miting, workshop, e i’n menm asiste distrik avek serten keksoz pandan zot bann lafet.
Madanm Elizabelle Ernesta ki en sitwayen aze in ganny pri pour NRA. Sa madanm ki osi en manm NRA, in pandan 5an sa madanm ki'n toultan devoue dan vakans avek bann lateye pour bann zenn.
Ti osi annan rekonpans pour bann 'sponsors' parey Le Relax, Msye Jacques Matombe, Msye Ralph Hoareau, Msye Jean-Paul Geoffrey, Msye Jose Pool, Msye Ramesh Pillay e Msye Emmanuel Songoire.
Administrater Distrik Madanm Sylvianne Lemiel i dir ki pri ki zot ti ganny an Desanm sete dezyenm pri lo kote standar, 1st Runner up pour progranm e Venker pour Zesyon Finansyel. Se sa bann pri dan lansanm ki'n fer ki distrik Anse Royale i meyer distrik dan Sesel.
Anse Royale ki toultan nou'n regard li koman dezyenm lavil menm si i pankor fini konplet tou son proze i en distrik ase prospere e ki touzour vivan
|
|
  Msye George Preira ki en zabitan Cascade i rakont The People en pti pe son lavi.
Sa msye, an se moman i annan senk zanfan e 12 pti zanfan. I'n pran son retret kot i pe asize kot son lakour avek son madanm pour fer letan pase.
Msye Preira in fer preski tou son bann karyer dan laboutik. I dir ki i ti travay dan laboutik Mancham, answit i ti al dan Teemoljee e avan i pran son retret in travay osi dan 'wholesale' kot Continental Store.
"Sa lepok Parti Lepep ti apel Seychelles Islander Party e kan ou ti dan sa Parti ou ti en militan e ou annan respe pour ou kanmarad", Msye Preira i retourn enpe dan son pase.
Msye Preira ti frekant dimoun SPUP alor li osi i ti swiv lake dan sa Parti.
Me parkont i dir ki sa lepok pa ti neseser ki en dimoun i anmenn en lot pour siport Parti. Sa ki ti santi ki i anvi siporte ti swiv.
I dir ki i rapel i ti zwenn sa Parti ver lannen 1979. Sa bann letan zot ti fer bokou travay volonter e bann keksoz pour bann parwas akoz ti napa dimoun ki ti ganny dedye spesyalman pour netway semen, alors zot ti form bann group pour fer sa travay.
"Depi lontan i annan volonter dan pei, pa zis konmela." Msye Preira i azoute.
Msye Preira i dir ki i ti deza ansarz lazenes oparavan. Sa msye ti menm parmi sa group dan distrik Cascade ki ti ganny elekte avek Parti SPUP an 1981 pour diriz zot distrik.
Sa msye i dir ki i ti osi anmas larzan bingo e i azoute ki: avan dan distrik Cascade ti annan bokou aktivite parey Bingo eksetera, la konmela mon pa trouve. I merit retournen".
Sa msye ki pou ganny son 73an le 25 Fevriye sa lannen i ganny 45an maryaz avek madanm Carmen Preira ki en konpanny vreman egeyant.
Msye Preira i dir ki letan i regard lavi konmela i kapab dir ki lavi in degoutan, akoz zenn in nepli annan lobeisans pour zot paran konpare avek lontan. "Kan ou ti koz avek en zanfan i ti tande" e i dir ki se sa ki fer ki keksoz i mal marse.
Msye Preira i dir ki i swete ki i a kontinyen trouv sa disiplin dan Parti Lepep akoz se sa ki pli enportan dan lavi
|
En lazournen netwayaz Pointe Larue
|
 Distrik Pointe Larue ti deside mobiliz bann group zenn pour fer en lazournen netwayaz dan zot distrik Sanmdi pase.
Zarbis ti'n pouse, salte partou, e alors Administrater Distrik (DA) pour Distrik Pointe Larue Madanm Julita Adela ti deside pour li group son bann zabitan pour fer en pe netwayaz.
Avek lasistans Brigad d'Irzans dan zot distrik, en group zenn Parti Lepep, en group zenn Ji Spirit, en group zenn 'District Youth Club' e detrwa zabitan, netwayaz ti fer pandan en zournen depi 9er bomaten ziska 3er apremidi.
Sa group 49 partisipan in netway diferan landrwa parey kot 'multipurpose court', lo laplenn foutbol e kot lakres. DA i dir ki sa bann landrwa ti’n konmans vin tro sal.
Sa travay ki ti en sikse i aprezan dan nide sa group dimoun pour zot fer li enn fwa tou le trwa mwan e petet avek lasistans plis dimoun ankor
|
Members of Parti Lepep keeping healthy
|
Parti Lepep shows great interest in the well-being of its staff at the Secretariat, it has started a new fitness class for them.
The class, which started this Tuesday will be conducted twice a week, by Williana Dubois, the well known fitness trainer.
With the encouragements of those who attended the first class, there were new staff who signed in for the second session which took place yesterday
This will enable the staff, as well as other friends who have joined in, to lighten up, stay healthy and for those who want to lose weight to do so as well. Classes which go for one hour are conducted on Tuesdays and Thursdays after working hours.
The first class welcomed a good number of well motivated participants who had been waiting impatiently for such classes to take place.
|
|
